DSE / 大學
DSE / 大學
【大學生活】人人都話大學5件事…但係上莊真係啱你咩？
其實大學生活唔一定要同其他人一樣先叫好嘅大學生活。每個人都有自己獨立又精彩嘅人生，當然上莊都係一種好特別嘅體驗，大家都可以嘗試一下！
為左令到各位同學唔好上錯莊或者後悔上莊，今日就俾Tutor Circle尋補黎同大家一齊探討一下上莊啦！
人人都話大學要上莊，但係大學上莊真係適合每一個人咩？大學5件事，就係讀書、上莊、拍拖、住hall、Parttime兼職，咁究竟係唔係做齊先叫一個大學生呢？
1. 上莊應該點揀？
作為一個「新鮮人」，入到大學之後各種各樣嘅莊都係度向你招手。咁係黎啲咁多選擇嘅時候應該點選擇呢？首先，大學裡面嘅莊分幾種類型嘅；有Hall莊，有活動莊，有行政事務性質嘅莊，要上咩莊就係睇你鍾意chur，定係鍾意輕鬆搞活動，定係長期同學校開會處理學生事務啦！上莊類別嘅抉擇好重要，上莊之前做錯決定可能會導致你四年大學生涯都係度後悔㗎！所以一定要唸清楚先好決定自己要吾要上莊啊！做錯決定，可能會後悔好耐
2. 上莊要做啲咩㗎
上莊要做嘅野其實都大同小異嘅，通常都離唔開幾樣嘢。分別就係宣傳、諮詢、搞活動。大家應該都聽過傳說中嘅「老鬼」文化啦。咁其實佢係咩黎嘅呢？「老鬼」其實就係以前都係上左黎支莊嘅人，佢地會用自己嘅經驗同埋文化質問你；諮詢時長由幾個鐘到30個鐘都有，視乎你支莊係唔係chur嘅莊啦！宣傳期通常都會係上莊生活裡面最辛苦嘅一環，因為日日都要唸辦法去搵合資格嘅人幫你投票，不過一堆人一齊為同一個目標去努力都係幾青春幾熱血嘅！搞活動，都係上莊重要一環，大大小小各種活動都要親力親為㗎。好多野人生只係得一次，小編希望大家都可以體驗到熱血嘅上莊文化，感受其中一種獨特嘅大學生活。
3. 上莊嘅好處壞處
其實，任何事都可以兩面睇。上莊嘅好處在於可以識到一班人，你地會一齊經歷好多好難忘嘅嘢，你地可能到最後會係一班一世嘅朋友；係搞左咁多活動之後，你會學識點樣可以平衡讀書同上莊，係上莊嘅同時學識唔同技能，好似Photoshop、R sponsor、同學校行政人員開會等等。至於上莊有咩唔好嘅嘢呢，就係你可能要面對好多人際關係問題。人一多交集同磨擦就會多是非，一班人一齊做野嘅過程難免會有意見不合嘅時候，而唔係個個都可以克服到；另外，要balance讀書同上莊都真係唔簡單，兩面嘅工作量都好大，所以有d同學真係未必可以好好平衡到，分分鐘要面對爛grade嘅危機>.<！！真係會爛grade？！
總結
最後，其實想同各位講，大學生活多姿多彩各式各樣，唔同人唔同方式都可以活出屬於自己獨特嘅色彩。但係前提都係大家一齊努力讀書入左大學先！大學生活咁吸引，大家一齊好好準備DSE 然後大學嘅時候江湖再見！
延伸閱讀：
【大學面試】4大攻略：自我介紹、面試題目、準備Checklist...
Copyright © 2024 Tutor Circle 尋補. All rights reserved. 此文章未經許可，不得轉載。
*此文章由 Blogger個人／編輯團隊 分享並僅供參考，意見及內容並不代表本網誌立場，Tutor Circle 尋補 對信息或內容所招至的損失或損害，不會承擔任何責任。