DSE / 大学
DSE / 大学
【大学生活】人人都话大学5件事…但系上庄真系啱你咩？
其实大学生活唔一定要同其他人一样先叫好嘅大学生活。每个人都有自己独立又精彩嘅人生，当然上庄都系一种好特别嘅体验，大家都可以尝试一下！为左令到各位同学唔好上错庄或者后悔上庄，
今日就俾Tutor Circle寻补黎 同大家一齐探讨一下上庄啦！
人人都话大学要上庄，但系大学上庄真系适合每一个人咩？大学5件事，就系读书、上庄、拍拖、住hall、Parttime兼职，咁究竟是不是做齐先叫一个大学生呢？
1. 上庄应该点拣？
作为一个「新鲜人」，入到大学之后各种各样嘅庄都系度向你招手。咁系黎啲咁多选择嘅时候应该点选择呢？首先，大学里面嘅庄分几种类型嘅；有Hall庄，有活动庄，有行政事务性质嘅庄，要上咩庄就系睇你钟意chur，定系钟意轻松搞活动，定系长期同学校开会处理学生事务啦！上庄类别嘅抉择好重要，上庄之前做错决定可能会导致你四年大学生涯都系度后悔㗎！所以一定要念清楚先好决定自己要吾要上庄啊！做错决定，可能会后悔好耐
2. 上庄要做啲咩㗎
上庄要做嘅野其实都大同小异嘅，通常都离唔开几样嘢。分别就系宣传、咨询、搞活动。大家应该都听过传说中嘅「老鬼」文化啦。咁其实佢系咩黎嘅呢？「老鬼」其实就系以前都系上左黎支庄嘅人，佢地会用自己嘅经验同埋文化质问你；咨询时长由几个钟到30个钟都有，视乎你支庄是不是chur嘅庄啦！宣传期通常都会系上庄生活里面最辛苦嘅一环，因为日日都要念办法去搵合资格嘅人帮你投票，不过一堆人一齐为同一个目标去努力都系几青春几热血嘅！搞活动，都系上庄重要一环，大大小小各种活动都要亲力亲为㗎。好多野人生只系得一次，小编希望大家都可以体验到热血嘅上庄文化，感受其中一种独特嘅大学生活。
3. 上庄嘅好处坏处
其实，任何事都可以两面睇。上庄嘅好处在于可以识到一班人，你地会一齐经历好多好难忘嘅嘢，你地可能到最后会系一班一世嘅朋友；系搞左咁多活动之后，你会学识点样可以平衡读书同上庄，系上庄嘅同时学识唔同技能，好似Photoshop、R sponsor、同学校行政人员开会等等。至于上庄有咩唔好嘅嘢呢，就系你可能要面对好多人际关系问题。人一多交集同磨擦就会多是非，一班人一齐做野嘅过程难免会有意见不合嘅时候，而唔系个个都可以克服到；另外，要balance读书同上庄都真系唔简单，两面嘅工作量都好大，所以有d同学真系未必可以好好平衡到，分分钟要面对烂grade嘅危机>.<！！真系会烂grade？！
总结
最后，其实想同各位讲，大学生活多姿多彩各式各样，唔同人唔同方式都可以活出属于自己独特嘅色彩。但系前提都系大家一齐努力读书入左大学先！大学生活咁吸引，大家一齐好好准备DSE 然后大学嘅时候江湖再见！
延伸閱讀：
【大学面试】4大攻略：自我介绍、面试题目、准备Checklist…
Copyright © 2024 Tutor Circle 寻补. All rights reserved. 此文章未经许可，不得转载。
*此文章由 Blogger个人／编辑团队 分享并仅供参考，意见及内容并不代表本网志立场，Tutor Circle 寻补 对信息或内容所招至的损失或损害，不会承担任何责任。